位於尖沙咀海港城馬哥孛羅香港酒店的Cucina 坐擁維多利亞港的壯麗景色，自 2020年起連續獲評為《福布斯旅遊指南》四星餐廳，趁著假期就來飽嚐一頓海景Semi-Buffet Brunch。
餐廳位置佔盡地理優勢，180度無敵開揚維港景觀無遮無擋，視野廣闊，每晚8時即席欣賞大型燈光音樂匯演—「幻彩詠香江」，增添浪漫氣氛。
落地玻璃設計盡覽海天一色的懾人美景，為室內引進充沛日光，在白天享受陽煦洗滌。
星期六、日及公眾假期上午11時30分至下午3時供應假日海景早午餐，可以不追不趕地食足3.5小時。
除了自選一款主菜外，還包羅採用自助形式供應的餐湯、冷盤、沙律、熱葷、即切烤肉及甜品。
於網上平台預訂購買亦可享有低至65折優惠，成人原價每位$588，折後連加一只需$441。
海鮮塔款式包括龍蝦、龍蝦鉗、鮑魚、蟹腳、青口、蝦和螺，質素新鮮爽彈。
鮑魚大隻厚肉，口感緊緻彈牙，擠下檸檬汁更能提鮮。
半自助餐的好處就是可以吃到即叫即整的main dish菜式，但又同時滿足all you can eat的慾望。
焗比目魚、炒蜆肉、龍蝦汁
比目魚經烤焗後面層微脆，魚肉雪白豐厚，質感滑嫩肥美啖啖肉，紅潤油亮的龍蝦汁留有鮮甜韻味，牽引出魚鮮香氣。
慢煮牛面頰肉紅酒汁及薯蓉
餐廳招牌菜牛面頰肉經過長時間燉煮後，肉質被柔化並慢慢吸收紅酒醬汁，
煮得柔軟入味，每一口鮮嫩多汁，牛味濃郁細膩。
主廚迷你鴨肝漢堡同樣是即場製作，內裡軟綿順口，油脂豐腴，散發濃濃的鴨油甘香。
每位另加$428 無限量享用香檳或意大利白酒或意大利紅酒系列，加$298 就有freeflow 氣泡酒或白酒或紅酒，加$168亦可無限添飲啤酒或果汁或汽水。
即煮意粉有長通粉和意粉，可自選醬汁搭配：四式芝士醬和雜錦海鮮龍蝦汁。
意粉煮出Al dente輕微韌度的口感，極易掛上濃稠柔滑的醬汁，熱力令芝士溶化，入口盡是濃郁芝味。
當然不可錯過吃brunch 必備的Egg station，有即叫即煮黑松露炒蛋。
炒滑蛋入口滑溜，包裹著豐盈蛋汁，配合香氣馥郁的黑松露，菌香滿溢。
熱葷有蔬菜千層麵及意式牛肉丸配蕃茄辣汁，千層麵每層都舖滿份量澎湃的拉絲芝士，肉丸口感紮實不鬆散。
番茄湯酸甜度恰到好處，令人胃口大開，蘑菇湯入口稠身濃滑，散發濃郁菇菌味。
精選意大利凍肉有三款，包括Mortadella 意式豬肉腸、Parma Ham巴馬火腿和Salami莎樂美腸。
芝士拼盤放滿Truffle Cheese松露芝士、Gorgonzola藍芝士和Asiago Cheese 阿夏戈芝士。
意式前菜提供番茄莎莎醬香烤麵包Bruschetta和牛角包。
沙律吧有八款已經拌好的沙律：牛舌沙律、大蝦沙律、番茄水牛芝士沙律、雞肉沙律、烤雜菜沙律、薯仔沙律、意粉沙律和藜麥沙律。
另有多款新鮮沙律菜、調味醬汁及配料，可隨個人喜好自行混搭。
甜品區集齊提拉米蘇、蘋果批、白桃蛋糕、檸檬撻、紅茶朱古力慕斯、麵包牛油布甸、馬卡龍、棉花糖和新鮮水果。
Tiramisu做法正宗，融合了苦香可可和濃縮咖啡粉，質感細緻濕潤。
特色火焰甜品站有現場即製的Cherries Jubilee 酒釀櫻桃，當火光烈焰燃起的一刻，非常IG-able，儀式感滿滿。
車厘子煮得酒香迷人，酒精揮發後增添一絲焦糖化的香甜，再加入一球冰凍雲呢拿雪糕，冷熱交纏，呈現溫差的對比，另有兩款不同口味Häagen-Dazs雪糕。
假日早午餐附送咖啡或茶。
Cucina
尖沙咀廣東道3號海港城馬哥孛羅香港酒店6樓
0 意見