最近係尖沙咀睇戲，見到有間MR Burger小店，價錢親民，
最平$48已食到一個高質手打牛肉漢堡。
熔金爆芝和牛堡$128
普通一兩塊芝士無乜特別，這個熔金爆芝和牛堡的芝士量極澎湃，
熱溶芝士如瀑布流下包住整個漢堡，極邪惡，自家製特濃芝士醬特選了三重芝士，包括車打芝士，秘製芝士醬和馬蘇里拉芝士，芝士控必愛。
兩塊超巨型的日本飛驒和牛，勁多肉汁，牛味濃厚，配料有酸瓜，洋蔥，番茄，生菜，磨菇。
加$18升級套餐有連皮炸的粗直薯條，包飲品。加$5仲有埋沙律薯條雙拼，漢堡包配薯條可說是永垂不朽的經典配搭，厚切薯條炸得金黃酥脆，肉心軟綿細密。
沙律清爽輕盈無負擔，可以中和肉食膩感。套餐追加$18有雞中翼，雞翼炸得外脆內嫩，一咬開肉質嫩滑多汁，而且切成單骨雞翼，食時更方便。
吉列豬扒漢堡$48
加$8轉了竹炭包，黑色漢堡令賣相變得冷酷有型，麵包佈滿芝麻，包身比平時的漢堡包更富彈性。吉列豬扒的麵包糠外層金黃香脆，肉質纖細易嚼多肉汁，配菜有番茄和生菜。
吉列鮮蝦漢堡$48
吉列蝦漢堡炸得外酥內嫩，將鮮蝦剁成泥、反覆摔打增加黏性，製成手打蝦餅，內餡彈牙鮮甜，配上番茄生菜，層次豐富，加$18升級套餐的粗直薯條，薯味濃，餐包飲品，我揀選了蜂蜜蘋果茶，勁多蘋果粒粒果肉。
吉列芝心雞漢堡$48
吉列酥脆外表，無骨雞扒啖啖肉，嫩滑多汁，一咬開就見到裡面釀滿芝士，芝味滿瀉，配菜有生菜，加了$5蘑菇，彈嫩蘑菇經煎炒後濃縮馥郁菌香，加了$10菠蘿，佐以酸甜果香的菠蘿中和炸物的油膩感。
MR Burger
尖沙咀漆咸道南81號南海大廈地下J號舖
0 意見