尖沙咀睇戲經常會去一間小店「兩草」食飯。草係廣東話解作10元，兩草即二十元。
店主是馬來華僑，店名兩草之意，應想打造一間價錢親民的食店，不少食物廿幾蚊就有交易，好抵食。
食店裝修好特別，有點似大排檔格局，
牆上的紅色食物牌、幾十年前的廣告紙和天花掛上的紅燈罩，玩味十足，
食物亦充滿本土香港特色，全店仲未收加一。
香煎脆蛋肉餅飯$42
招牌肉餅飯半肥瘦比例薄薄一片，肉餅煎得外層香脆，口感綿軟，
配著即煎脆邊流心荷包蛋，添上蔥花、甜豉油，「送飯」一流。
蛋炒豬腸粉 $27
豬腸粉有米香、軟軟彈彈，幾乎每條腸粉都包有蛋漿，炒得有鑊氣。
小龍包胡椒湯$40
輕輕一咬小籠包隨即爆出鮮甜湯汁，辛香胡椒湯底驅寒暖身。
滑蛋叉燒飯$40
蜜汁叉燒肥瘦度適中，肉質細緻鬆軟，
炒蛋火喉控制得剛好，不會煮得過熟，充滿濃郁蛋香和蛋汁。
咖央多士$25
趁烘烤多士熱辣辣時橫切開二，再塗上牛油及以蛋、奶、糖自家熬煮的咖央醬，
入口先散發牛油香，再有椰香慢慢滲出，吃出南洋風味。
樽仔奶茶$25
奶茶是正宗港式凍奶茶，茶味香濃，入口細滑。
兩草
尖沙咀棉登徑7號地舖
尖沙咀棉登徑7號地舖
0 意見