最近和角落生物合作的富山麵家，原本以為十一月尾結束，點知竟然有第2彈，
餐廳全新裝修成冬日浪漫主題，由即日起至31-1-2026，仲有新食品和飲品推出。
富山麵家將店鋪門面、餐廳內每個角落都變成角落生物主題，
枱面、牆壁、紙杯、筷子套、碗碟、牙籤包裝都有角落生物圖案，
牆上換上角落生物冬季新畫像，周圍都有巨型角落生物大公仔俾人打卡。
餐廳不停播放角落生物的主題音樂。
極上海皇醬撈麵 $118
用香脆天婦羅面衣做成上可愛炸蝦造形，上桌時會把冷麵跟醬汁分開，
蟹肉蟹黃醬汁鮮味濃郁，口感濃稠，撈落順滑彈牙麵條，
配上魷魚、鮮蝦和西蘭花，鮮味十足。
蟹膏牛奶拉麵 $108
和風魚片印上恐龍可愛模樣，材料豐富，有炆得入味的秘製豬軟骨、溏心蛋、紫菜、叉燒、玉子等。
濃湯以鮮味蟹膏和牛奶為基底，味道香甜，叉燒脂香滿瀉，豬軟骨肉質軟嫩，粗麵條掛湯力特強，盡吸蟹膏牛奶湯汁精華。
栗子紫薯餅$28
外層酥脆，紫薯薯蓉口感軟綿，加上栗子粒，味道幽香甘甜。
特製芭菲$48
材料有雲呢拿雪糕、新鮮士多啤梨、藍莓、年輪蛋糕，低層仲有士多啤梨奶凍，酸酸甜甜，口感味道豐富。
熱抹茶$32
杯面有站在雲上的炸蝦棉花糖，造形非常可愛，抹茶茶味濃郁。
特製青蘋果椰果梳打$35
色彩繽紛，面層忌廉軟滑，蘋果味梳打入口冰爽透心涼，仲有粒粒煙韌椰果。
肉汁滿滿餃子$38
拉麵配餃子可說是永垂不朽的經典配搭，餡料扎實多汁。
除了角落主題食物，fans仲可以買到富山麵家推出的角落生物限定，例如珍藏拉麵碗$150，仲有全新炸蝦造形多用途毛絨袋$78。
Follow, like 和share官方富山麵家IG或小紅書，仲有角落A4 文件夾送。
富山麵家
銅鑼灣希雲街7號地舖
0 意見