觀塘區除了塞車，仲有間由香港年青人經營的台式料理餐廳壹.01，主打健康和無添加味精食物，價錢大眾化。
食物款式仲好豐富，除了一般台式餐廳見到的魯肉飯、酥炸排骨飯、蛋餅和台式飲品小食外，仲有牛肉飯、手撕雞飯和芋泥二文治等。
餐廳最近2:30pm後仲做緊follow 1.01_ig 9折優惠。
蜜汁紫菜排骨飯 $62
蜜汁紫菜排骨飯塊豬扒大過手掌之餘，外脆內軟，配上蜜汁及紫菜，飽肚又滿足。
拉絲芝士火腿蛋餅 $45
外皮煎得香脆，內裡蛋餅餅皮吃起來軟嫩Q彈，用料實在，火腿與黏稠拉絲芝士扎扎實實地填滿嚼勁十足的蛋餅皮。
炸鮮奶·芋泥二文治$48
炸鮮奶小食，外皮薄脆，內裡鮮奶軟硬甜滑適中。二文治好似三文治，但又唔係三文治，名如其形，芋泥是由煮熟的芋頭搗碎而成，質地軟綿，散發芋香，夾餅香脆有咬勁。
台北夜市小食拼盤$45
一客炸物拼盤可以試到多款炸物小食，鹽酥雞炸得金黃脆口，粉漿不會過厚，無骨雞件夠厚肉。一咬開肉質相當嫩口且乾爽酥香，炸得乾身不油膩。仲有脆皮台灣香腸、脆炸花枝丸，全部炸得香脆可口，點上蜜糖，食唔停口。
明明·我不是章魚燒3粒$25
外型看似章魚小丸子，真身原來是花枝丸，口感彈牙，點有蜜糖和明太子醬微辛惹味。
芋頭鮮奶 中$26
真材實料採用新鮮牛奶加全手作芋泥，無額外加冰、牛油或者忌廉，健康之餘仲有滿滿芋泥香。
凍豆奶大$14+黑糖珍珠+8
以煙韌彈牙的的粒粒黑糖珍珠配上甜度不高的豆漿。
壹.01
觀塘駿業街56號中海日升中心2樓D號舖
0 意見