最近係旺角見到開了一間紅色招牌，非常搶眼的甜品外賣店，名叫 SHAKE !T ，主打奶昔和窩夫。
配搭幾新鮮，材料會用新鮮生果和優質麵粉。
奶昔有4大系列，分別有水果系列、經典系列、咖啡或茶系列和田園系列。
值得一提奶昔飲品至7月31日仲有買一送一優惠，難怪大排長龍。
港式黑芝麻奶昔$50
奶昔打得幼細，沒有加冰加水溝淡，超足料，入口濃厚順滑，黑芝麻味就像在吃芝麻糊般，麻香四溢，甜度適中，非常美味，仲有四款topping可選，我就揀選了西米，粒粒有咬口。
中國烏龍茶奶昔$50
一杯中西合璧的飲品，烏龍茶茶味清新甜醇，用了新鮮鮮奶，入口綿密，奶味香甜。有四款免費Topping可選，我就揀選了桃膠，沒想到中國烏龍茶變成奶昔可以是一杯美味飲品，消暑涼快。
窩夫有3大系列，分別有鮮果系列、經典系列、巴馬臣芝士系列。
台灣愛文芒果窩夫$50
窩夫即叫即製，新鮮熱辣。窩夫食落有濃郁蛋香味，外脆內軟，面層有多到滿瀉的鮮甜愛文芒果肉，仲有桃膠和西米，加埋自製的卡士達醬，口感豐富甜美。
抹茶卡士達窩夫$45
打得綿密滑順的香甜卡士達醬，溝上了淡雅清香抹茶粉，味道醇厚，與外皮呈金黃色，表面帶有蜂窩狀的質地，酥脆可口的窩夫非常配合。
旺角豉油街25-31號地下4A號舖
0 意見