銅鑼灣Fashion Walk有一間樓高兩層，非常出名的雞蛋三文治店Eggslut。
這間三文治連鎖店創立於美國，最初是街頭美食車，深受荷李活巨星愛戴，全部採用放養雞雞蛋，被譽為Burger界嘅『Fine dining』，在東京、倫敦、南韓、新加坡等地都開了分店。
Eggslut 這個詞來自foodie界的詞語，形容任何菜式都加上一隻蛋。餐廳主打六款三文治，還有期間限定、小食、甜品和飲品，全店不收加一服務費。
當中試咗佢地招牌炒滑蛋三文治 $78，這是餐廳最具人氣的三文治之一。
濕潤金黃色的炒滑蛋，炒至焦糖色的香甜洋蔥，熱溶到漏瀉的車打芝士，仲有法蔥，醬汁是是拉差蛋黃醬，是拉差是泰國和越南非常流行的辣椒醬，混和蛋黃醬後，甜甜地，辣辣地，非常惹味。麵包是自家製的奶油麵包，稱為布里歐包，輕身，鬆軟，偏甜，經過烘焗，發出麵包香氣。
值得一提的是6月15日至7月31日餐廳推出了特價新優惠，任何惠顧三文治或漢堡，只需加$1可任選extra配料，每個最多3項額外配料，例如可以加自家製雞肉餅、 煙肉，牛油果、雞蛋等。
即係$1就可以加到3塊肉，可以挑戰大胃王食量，今次我就$1加了一塊自家製雞肉餅。
另外整個七月份推出了魚柳系列，所以今次亦試了七月限定雙重炸比目魚三文治$83。這是一款配搭新鮮三文治，一塊炸得外層金黃香脆的巨型比目魚柳，魚肉細嫩多汁，加上秘制蛋白三文魚醬汁，配埋芝士，甜甜地的酸瓜和Eggslut 三文治包，酸甜清爽開胃，口感爽滑鮮甜。
小食就試咗招牌蛋薯蓉加法包$64，材料包括慢煮雞蛋、自家製薯蓉、海鹽和法蔥。打得軟滑濃郁的自家製薯蓉，食前將半熟蛋和薯蓉攪拌，法包沾上薯蓉和蛋汁食，完美配搭。
松露迷你薯餅$33
特別用上鴨油去炸，食落仲有松露和迷迭香味，炸得金黃酥脆。
食剩咗啲蛋薯蓉，有介紹隱藏食法，就係將SLUT 放係薯餅上食，食落亦相當有驚喜。
甜品
自家製白脫牛奶脆餅配蜂蜜牛油$40，口感鬆軟豐潤。酥脆的外皮和柔軟的內部相互襯托，搭配蜂蜜奶油的甜美，帶來一份溫暖滿足感。
鮮榨橙汁$37
新鮮即榨，粒粒果肉，清涼冰爽，消滯解膩。
冷萃咖啡$35
炎炎夏日，又想飲杯咖啡，最好就係飲Cold Brew，咖啡味道甘醇，有種咖啡豆果香味，消暑又涼快。
Eggslut
銅鑼灣記利佐治街11-19號及百德新街27-47號Fashion Walk地下2號舖及1樓F-1號舖
0 意見