超人氣平民價地道泰國菜꘩ 水門雞飯

平時食開金馬倫道水門雞飯，隔一條街係厚福街有另一間分店，就知水門雞飯幾受歡迎，兩間鋪都大排長龍，除了香港食客，仲有不少泰國人幫襯。

水門雞飯除了主打招牌水門雞外，仲有飯類、沙律、船粉、撈麵、串燒、小食和甜品等。

以新鮮爽彈的鳳尾點綴，加上豆腐乾、蛋絲及泰國金邊粉，甘甜酸香徐徐滲出，Pad Thai 有青檸與花生粉或辣粉在旁，自行混合後就可開始享用。

金邊粉幼滑爽口，滴上青檸汁後，口感會更清爽也能消除油膩，味道酸酸甜甜特別醒胃。

燒魷魚肉質爽滑彈嫩，火候控制得剛剛好，一點也不會過韌，點上酸辣醬汁，非常滋味。

串燒有豬肉和雞肉可選，串燒燒至表面帶焦香而肉質入味不鞋口，熱辣辣的肉香及開胃的花生沙嗲醬即時充斥味蕾。

雲吞皮炸得香脆，內裡的鮮蝦餡料彈牙多汁，沾上酸甜醬開胃惹味。

不想浪費醬汁，特別點了一客烤麵包，麵包烤得香脆，沾上不同醬汁，口感味道豐富。

加入了香料的橘褐色的泰式奶茶口感順滑不澀口，具有茶葉香及煉乳的甜，比港式奶茶甜度更高。

茶色清澈亮麗，味道酸甜得來清新脫俗。