香港其中一間人氣麵包店就係君蘭麵包廠，尖沙咀 K11 Art Mall除了有賣懷舊港式麵包，例如忌廉筒，懷舊曲奇，雞批，菠蘿包等，
仲有好多近年流行的大熱麵包，例如巨大版的爆餡牛角酥，有香滑忌廉，開心果、黑芝麻、柚子及Tiramisu共四款味可選擇。另外仲有星星形的千層酥皮撻，布甸包和自助夾港式曲奇。
金星星撻$18
金星星撻即是法式布甸千層酥皮撻，由5星級酒店前東方文華酒店餅師主理，堅持全人手製作，
以10多年嘅傳統手法炮製，酥皮不單只用上法國牛油作主調，逐層人手製作、疊加獨門手法令口感更鬆脆，絕對係巧手心思之作，親民價可以享5星水準。
黑松露雞蛋千層撻$18
每個撻都全人手製作，酥皮層層分明，牛油味濃，面層有雞蛋和蛋白，中間仲有一層黑松露醬，口味有馥郁菌香。
煙肉薯仔筒$10
只會出現於舊式麵包鋪，而且買小見小的忌廉筒，分店限定共有六款口味，除左有原味選擇，仲有菠蘿、開心果、紫薯、士多啤梨香甜選擇，除此，仲有獨家創惹味香口的鹹味煙肉薯仔筒，非常特別。
雞批$12
新鮮出爐雞批有金黃色嘅外表，真材實料，加入大量雞肉和獨門醬汁，有原味、沙嗲同日式咖哩味三款口味選擇
開心果大牛角酥$28
牛角酥非常巨型，香脆酥皮，面層有現在最流行的開心果醬，內仲有開心果流心醬，令牛角包帶堅果香氣。
芝士辣肉鬆包$14
麵包食落新鮮鬆軟，面層有烘焗過，帶有焦脆的芝士，配合埋微辣的肉鬆碎，讓每一口都充滿驚喜。
葡撻$10
金黃色的酥脆外殼和滑順的蛋奶餡，口感細膩，甜而不膩。
君蘭麵包廠
尖沙咀河內道18號K11購物藝術館B2樓B224號舖
0 意見