位於英皇駿景酒店內的駿景軒可說是中菜老字號，曾連續7年獲得米芝蓮一星殊榮，
今個月推出限時8折禮遇，由即日起至5月31日星期一至日，凡惠顧任何點心、川菜或粵式小菜，即可尊享八折優惠。
一洗中菜館的俗套老氣，注入時尚氣息，散發摩登的東方韻味，還有多間VIP房，私隱度高。
餐牌主打粵菜和川菜，款式繁多。
粟米鱈魚球 $468
大件厚切的鱈魚球無骨啖啖肉，粉漿金黃鬆脆，裡面包著嫩滑雪白的魚柳。
鱈魚味道清鮮，與粟米湯羹的甘甜味相輔相成，而又不會掩蓋食材本味。
咖喱豬脾仔 $288
一客份量超大，有齊四隻豬肶仔和一大個多士盒子。
咖喱以薑黃粉和孜然粉等多種香料製作，最後落紅椒油加添層次，混合馬拉和印度風味，先蒸後炸的豬脾仔肉汁豐富，火候控制得剛剛好。
麵包粒烘焗至外脆內軟，沾上濃稠的咖喱醬汁，微辛開胃。
拔絲咕嚕肉 $268
特意選用豬頸肉作食材，肉質鬆軟得來又爽滑，表層炸到輕薄酥脆，沒有被芡汁浸軟浸腍。
咕嚕肉被絲絲縷縷的金黃糖絲緊密包覆著，夾起時更有拉絲效果，汁醬藕斷絲連，酸中帶甜的醬汁，令人胃口大開。
醬油安格斯牛肉石窩炒飯 $238
石鍋份量驚人，足夠2-3人分享，溫度夠熱，香氣撲鼻，從頭吃到底都可保持熱燙溫度。
混合足料安格斯牛肉粒，牛味濃郁，炒飯粒粒分明，甚有鑊氣，將乾身軟糯的米飯拌勻後，充份吸收肉香和醬油精華。
最後送上甜品，分別是腐竹白果糖水和海底椰雪耳糖水，清潤養顏，甜度剛好，不會太膩。
駿景軒
灣仔皇后大道東373號英皇駿景酒店1樓
0 意見