大埔有一座藝術中心（TPAC），地下有一間餐廳名Pentola，意大利文「鍋」之意思，象徵回到基本，重拾入廚的熱情。
餐廳由教員室改裝而成，地方非常濶落，啡色木系顏色，空間感十足，充滿舒適文藝氣息，餐廳主打意大利菜和手工意粉。
今次試了他們的weekend brunch，供應時間是12-6pm。
點餐後立即送上用紙袋盛載的新鮮麵包，點上黑醋汁享用。加$98仲有兩小時包酒精飲品free flow。
慢煮牛面頰番紅花意大利飯 $188
慢煮牛面頰肉味香濃，煮得軟腍入味，肉質鬆軟卻仍帶有嚼勁。Risotto 煮至軟硬適中，入口奶滑煙韌，米心帶有嚼勁且不易軟爛，撈上忌廉巴馬臣芝士檸檬汁，開胃滋味。
炭燒安格斯封門柳配燒汁薯條 $218
封門柳位於牛肋骨與橫隔膜中間，色澤深沉，脂肪不多，火候控制得精準，表面帶炭火焦香，中心仍保持嫩紅色，保留牛扒豐腴的肉汁，肉質鬆軟不韌，牛味濃郁有層次。薯條炸得金黃酥脆，肉心軟綿細密。
自家製肉丸闊扁麵$138
廚師特意採用口感比幼身意粉更加煙韌彈牙的手工闊扁麵，麵底富有蛋香，加上吸水力極強，因此極易掛汁。由牛肉和豬肉混合而成的自家製肉丸口感紮實不鬆散，肉質煙韌，一口咬下立即溢出香濃肉汁。羅勒蕃茄汁甜酸度適中。
隨餐附送餐飲。
Pentola
大埔安邦路12號大埔藝術中心地下G01-02號舖
0 意見