周末苦短，難得偷得浮生半日閒，就想歎個下午茶享受片刻的放鬆，但又不想銀包大出血，來到仕德福山景酒店山景閣，以平民價錢享用酒店tea buffet。
餐廳環境寬敞，座位之間不會排得太擠，坐得舒服自在，不過食物refill 速度就不太頻密。
下午茶自助餐供應時間為3pm 至5pm，折實後價錢也只不過是$160一位，以酒店buffet 來說算是價位便宜。
不過一分錢一分貨，冰鎮海鮮只有凍蝦一款，但就全程都有refill。
蝦size 不算特別厚肉，肉質未算得上是最新鮮，幸而也不至於變霉。
相比起來，熱盤選擇就比較多元化，有咖喱角、炸花枝餅，炸得脆卜卜，就是稍為油膩了一點。
炸三文魚腩比較多骨刺，炒飯炒得粒粒分明，不會過油。
個人比較推介XO醬炒腸粉，炒得香口，鹹辣惹味，豉油雞翼亦夠入味，一咬開肉質嫩滑，肉汁豐富。
牛肉燒賣就像是微波爐叮叮貨色，不太特別。
芝士白汁吞拿魚燴通粉鋪滿吞拿魚，通粉中間的空隙位盛載著creamy醬汁。
餃子肉餡飽滿多汁，只是略嫌外皮太厚。
自助餐竟然有熱辣辣的老婆餅，酥脆餅皮裹著軟滑的冬瓜蓉內餡。
芝士火腿多士煎得香脆，內藏拉絲芝士芝味無窮。
基本上這個下午茶buffet 的食物都是澱粉質居多XD 我自己就覺得這裡的熱食比凍盤質素較穩定。
喇沙都是即叫即煮，湯底滲出陣陣椰香和微微辣勁，也算是這頓buffet中水準較有保証。
皮蛋瘦肉粥粥底綿滑，可惜油炸鬼就似乎放得太久了，質地已變韌。
甜品種類也不算很多，但就勝在一口一個，份量剛好。
朱古力慕絲蛋糕
士多啤梨慕絲
芒果布甸
杞子桂花糕
每款甜品淺嚐了幾口，可是質素比較平庸。
反而我自己就推介現場即製的法式班戟，只需等幾分鐘。
可以自行加上配料，這款士多啤梨加朱古力，簡單配搭卻已是令人百吃不厭。
餅皮厚薄適中，口感煙韌軟綿，滿足我的甜品慾。
除此之外，也有另一部自助班戟機，只需按個掣就有新鮮班戟出爐。
可以加入不同配料D.I.Y一下，有得玩又有得食，當日所見到甚受小朋友歡迎 :p
水果則有西瓜、蜜瓜及菠蘿可選。
雪糕就有牛奶公司雪糕杯及維記雪米滋。
飲品都是自斟自飲，有果汁、咖啡、檸茶無限量供應。
山景閣
尖沙咀天文台道13-17號仕德福山景酒店大堂https://www.facebook.com/stanfordhillviewhotel/
0 意見