親民價錢米芝蓮推介泰菜〠 帕泰家Baan Phadthai
其實馬鞍山一早已經唔係美食沙漠，近年有好多新餐廳出現。今次試呢間新開的Baan Phadthai帕泰家仲連續五年獲得泰國米芝蓮推介，食物肯定唔會差，而且價錢便宜，大大碗，大大碟，好抵食。
餐廳主打的一般的泰式食物款式都齊備，有粉麵、飯類、小食和甜品，亦有泰式飲品。部份食物加錢可以有飲品和特飲。
豬頸肉金邊粉$72
有青檸與花生粉或辣粉在旁，自行拌勻就可開始享用。豬頸肉肉質軟嫩，金邊粉炒得夠乾身，幼滑爽口，滴上青檸汁後，口感會更清爽也能消除油膩，味道酸酸甜甜特別開胃。
青咖喱雞飯$62加$12凍飲凍奶茶
泰式咖哩主要分為紅、綠、黃三種，以椰漿和椰奶煮香的青咖喱，椰香味濃又帶甜，平衡了辛香料的刺激，辣度不高。雞肉煮得夠入味，即使是吃不了辣的也會覺得容易入口，青咖喱醬汁是配搭米飯的最佳拍檔。
金不換炒香辣肉碎飯$62加$18特飲青檸梳打
泰國菜講究食味的配合與平衡，複雜而富層次，金不換是泰國菜常用調味香草，香氣強烈。以肉碎加上各式香料的點綴，微辣，配上白飯和大量清爽芽菜，滋味無窮。
BaanPhadThai 帕泰家
馬鞍山新港城中心4期 L2 (2141號舖)
0 意見