踏入十月，又到一年一度蟹季，最近我就發掘到位於東涌的諾富特東薈城酒店Essence由即日起至11 月 30 日推出期間限定新主題「蟹」趣無窮自助餐，每位成人價錢低至$300有找，就可過足蟹癮！
內裡環境寬敞，極高樓底充滿空間感，座位之間不會排得太擠。
古雅的竹枝及大紅燈籠般的燈飾，鋸齒形的牆身鑲上玻璃鏡，然後以格子木屏風作為裝飾，折射成不同的光影，散發典雅的東方韻味。
全晚冰鎮海鮮款式源源不絕地供應，refill 速度亦夠快，海鮮控必能大飽口福。
每位自助晚餐客人可獲贈一隻清蒸大閘蟹，配合純熟的火候控制，以生薑和紫蘇蒸製，無需過多調味，保留原汁原味。
掀起蟹蓋，金黃甘香的蟹膏當然是亮點所在，鮮味濃郁，就如品味奶油般軟滑細膩。
食buffet的十居其九都是衝著海鮮而去，冰鎮海鮮包括法國麵包蟹、泰國加菲蟹、青口、鮮蝦、蜆和翡翠螺。
新主題增設了不少蟹品熱葷，例如薑蔥炒蟹、泰式黃咖喱炒蟹、雞油花蛋白雕蒸蟹、芝士焗蟹蓋、干燒蟹肉伊麵、墨西哥辣蟹沙律夾餅、焗蟹肉酥皮湯、水蟹粥、蟹黃擔擔麵等等，來一場海鮮盛宴展開食欲之秋。
薑蔥炒蟹炒得夠鑊氣，鹹香入味，呈現港式懷舊小炒風味。
泰式黃咖喱炒蟹辣度不高，更能突出蟹肉鮮香，非常醒胃。
芝士焗蟹蓋有絲絲蟹肉，真材實料，最適合我這些愛吃蟹但又最怕拆蟹的懶人。
焗蟹肉酥皮湯新鮮出爐，酥皮金黃鬆化，牛油香氣濃盛。
紅酒燴牛腩經過長時間燉煮，肉質柔軟入味，每一口鮮嫩多汁。
魚生包含三文魚、吞拿魚和鯛魚三款刺身，另有主題限定的醬油蟹壽司。
燒烤區設於戶外，可避免食客身上沾上陣陣燒烤味，當中虎蝦size更是超巨型。
這晚供應的燒物包括生蠔、虎蝦、螺、羊架、豬頸肉、雞翼、南瓜、茄子、冬菇、粟米等。
蛇羹和糯米飯是秋冬季的暖身絕配，蛇羹行氣活血，滋補又養生。
臘味糯米飯有溫補脾胃作用，吸收荷葉香氣，將臘味油分滲進飯粒，越嚼越有味。
冷盤則有凍肉拼盤、煙三文魚等等。
沙律吧有多款沙律菜，可隨個人喜好自行混搭沙律款式。
豬腳薑祛風散寒，豬腳燜得軟腍入味，膠質豐腴。
甜品區款式繁多，這晚就有鮮果蛋糕、抹茶蛋糕、朱古力慕絲蛋糕、栗子蛋糕、香橙牛油蛋糕、葡撻、綠茶慕絲、意大利芝士餅、士多啤梨慕絲、瑞士卷、雲石芝士餅、士多啤梨奶凍、法式什錦曲奇、朱古力噴泉、紅豆糕、啫喱、玫瑰糕、西瓜、哈密瓜等。
而且大多是小個切件，可以一次過嚐遍多個款式。
最後不要忘了任食Mövenpick雪糕，這裡供應足足有六款口味之多。
飲品有咖啡機、茶水、蘋果汁和自家製鮮榨甘筍橙汁，可以隨時自斟自飲。
吃完如此豐盈的蟹宴，當然少不了一杯性溫味辛的薑茶，暖胃又暖身，正好可以中和蟹的寒涼。
0 意見